البوابةالرئيسيةاليوميةس .و .جبحـثالتسجيلالتسجيلدخول

شاطر | 
 

 سر بسيط قد يكون المفتاح لنجاحك

اذهب الى الأسفل 
كاتب الموضوعرسالة
jesus with us
ادارة المنتدى
ادارة المنتدى
avatar

عدد المساهمات : 1331
نقاط الترشيح : 214
تاريخ التسجيل : 18/06/2009
العمر : 23

مُساهمةموضوع: سر بسيط قد يكون المفتاح لنجاحك   الثلاثاء 16 مارس 2010, 11:24 am

بكل بساطه
سر بسيط قد يكون المفتاح لنجاحك


هل حاسس انك كان ممكن تكون ناجح لولا الظروف ؟
هل تعتقد ان بعض الظروف اللي حواليك هي السبب اللي بيعيقك في إنك توصل لهدفك ؟
هل بتفكر بالأسلوب ده ؟
لو كانت الإجابة: نعم
يبقى اقرا معانا الموضوع ده
الباحثين أثبتوا - زي ما قلنا قبل كده - إن ا لاختلاف بين الناجحين و غير الناجحين هو حاجه واحدة بس
الحاجه دي هي : طريقة تفكيرهم
الناجحين بيفكوا بأسلوب مختلف شوية
و هو ده السبب الرئيسي لنجاحهم
مش الظروف المحيطة بيهم

نمط غير الناجحين في التفكير



غير الناجحين دايما بيحاولوا يبرروا عدم نجاحهم..دايما لما بتواجههم مشكلة ما بيدوّروش على حلول ليها
لكن بيستسلموا في بساطة ويدوّرا على شماعة ظريفة جدا -يعلقوا عليها فشلهم- إسمها الظروف
دايما تلاقي الشخص ده بيدور على أي حد يلومه على فشله
يلوم مديره لأنه مش متفاهم معاه
يلوم والده لأنه كان بيعاقبه في طفولته
يلوم عيلته لأنها مش موفرة جو ملائم له
يلوم أي حاجه.. انشالله الأقدار و الحظ السيء لو مالقاش حاجة يلومها
المشكلة في الشخص ده إنه بيستسلم بسهولة جدا لأنه بيعتقد إن أي حاجه في حياته هو مش مسئول عنها
لكن أي حد أو حاجة تانية غيره هو نفسه


نمط الناجحين في التفكير



لو تأملت سيرة أي شخص ناجح – أي شخص ناجح !- هاتلاحظ حاجة غريبة قوي.. هاتلاحظ إن
الشخص ده في بدايته كانت ظروفه في غاية القسوة و ان الطريق ماكانش مفروش أمامه بالورود و الأزهار
هاتلاحظ إن الناس دول مابيؤمنوش بالحظ
لكن بيؤمنوا بقدراتهم على النجاح



بيل جيتس
أغنى شخص في العصر الحالي وصاحب شركة مايكروسوفت , أكبر شركة للبرمجيات في العالم
كانت بدايته غاية في القسوة و عانى من مشاكل مادية عديدة..
[ندعوك للتسجيل في المنتدى أو التعريف بنفسك لمعاينة هذا الرابط]في دراسته في جامعة هارفارد
تعالوا نشوف عمل إيه
قعد يلعن حظه السيء و فضل قاعد على القهوة يشرب شيشة ؟؟
هل فضل يلعن أساتذ ته اللي ماعرفوش مواهبه؟؟
بدل مايقعد يفكر في المشاكل و يدور على شماعات يعلق عليها احباطاته, اعتبر كل المشاكل دي مجرد تحدي
فكر بأسلوب عملي بعيد تماما عن طريقة لوم الآخرين و الظروف
و بدأ يفكر في طرق ينجح بيها و يحقق حلمه في إنشاء شركته الخاصة
تعثر أكثر من مرة.. لكنه كان بيحاول بطرق أخرى لأن فكرة الاستسلام و لوم الظروف كانت غير واردة أساسا في ذهنه
و نجح زي ما احنا عارفين و أنشأ شركته



--الفكره هنا إيه ؟؟
لو حد واجه أي إحباط في حياته , و لقى نفسه بيفكر بطريقة لوم الآخرين دي
اعرف انه كده مش هايحل أي حاجه و إنه اختار الطريق السهل
و هو الاستسلام و لوم الظروف
لما الشخص الناجح بيواجه المشاكل , بيعتبرها مجرد مطبات في طريق نجاحه
حواجز لازم يعديها عشان يوصل لهدفه



-عارفين الموضوع عامل زي إيه ؟؟
لو في يوم الصبح لقيت الدنيا بتمطر و انت رايح الشغل.. هاتعمل إيه ؟
الفاشل ممكن يلعن الظروف الجوية و يتغيب عن عمله
الناجح بمنتهى البساطة.. هايجيب مظلة و يروح شغله
هي دي استراتيجية التفكير الإيجابي اللي بنتكلم عنها.. أي ظروف في طريقك انت قادر تماما انك تتغلب عليها
دا لو ماستسلمتش و و قعت في فخ اسمه : لوم الآخرين و الظروف

-عايز تكون ناجح ؟
يبقى كون أقوى من الظروف و كمل طريقك.. امسك مظلتك و امشي في العاصفة
لوم الظروف الجوية مش هايوصلك لطريق النجاح اللي انت رايحه



حياتنا دي احنا اللي متحكمين فيها مش أي حد تاني.. مشاكلنا كلها حلها في ايدينا احنا.. مش في إيد الظروف



اذكروني في صلواتكم
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
بنت الراعى
مشرف قسم
مشرف قسم


عدد المساهمات : 157
نقاط الترشيح : 47
تاريخ التسجيل : 23/07/2010
العمر : 26

مُساهمةموضوع: رد: سر بسيط قد يكون المفتاح لنجاحك   الأربعاء 28 يوليو 2010, 6:50 pm

الة السماء يعطينا النجاح
ربنا يعطى النجاح لينا كلنا يارب
ميرسى للموضوع الرائع والجميل دا
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
jesus with us
ادارة المنتدى
ادارة المنتدى
avatar

عدد المساهمات : 1331
نقاط الترشيح : 214
تاريخ التسجيل : 18/06/2009
العمر : 23

مُساهمةموضوع: رد: سر بسيط قد يكون المفتاح لنجاحك   الخميس 29 يوليو 2010, 7:25 am

ميرسي كتيييير لمرورك الرااائع [ندعوك للتسجيل في المنتدى أو التعريف بنفسك لمعاينة هذه الصورة]


اذكروني في صلواتكم
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
سر بسيط قد يكون المفتاح لنجاحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
††المنتدى العام††
 :: منتدى الحوار العام
-
انتقل الى:  
الساعة الانبتوقيت القاهرة
جميع الحقوق محفوظة لمنتديات اكليسيا
حقوق الطبع والنشر©20010 - 2009