ابن البابا كيرلس

الاسم \ بيتر ادوارد الفونس
المدينة \ نجع حمادى \ قنا
العمر \سنتان
التاريخ \15-11-2003
بداية المعجزة بدا مرض بيتر بالسخونة الشديدة مع العلم بان لم يوجد علاج للسخونة قد خفض الحرارة وكانت الحالة فى النازل
وبعدها اخد اربع حقن مضاء حيوى وعلبتين مضاء حيوى شراب مع اعطاء علبة لبوس للسخونة والحرارة مازالت مرتفعة
مع العلم ان سن الطفل بيتر سنتان والمضاء الحيوى كان بمثابة سم بالنسبة لسنة
والمصيبة الكبرى هى ان اللوزتان ملتهبتان بشدة مما ادى الى ان زورة قد تقطع وكان كانة طماطم من شدة الاحمرار والسخونة
وبالتالى لم ياكل او يشرب لمدة تلت ايام لدرجة ان عندما كنا نريد ان نعطية بعض الماء كنا نضعها فى سرنجة ونضعها فى حنجرتة مباشرة
ومع ذلك اى شئ كان يدخل معدتة كان يرجعة فورا
وبالتالى اتحاش فية البول لمدة 24 ساعة
وكانت الحالة خطيرة بكل معنى الكلمة (بالعربى على فراش الموت)
كنا نتصل بخالة الدكتور \انيس فكرى عازر ليتابع الحالة ويعرف وصلت لفين كل اربع ساعات
يوم 14-11-2003كان يوم اتنين غرقناة زيت مصلى علية ووضعنا فى صدرة تحت الترنج صورة مغلفة للبابا كيرلس
كان لابسا ملابسة النبيتى التى تخص عيد الميلاد
وفى صباح يوم الثلاثاء الموافق 15-11-2003
كانت الحالة متدهورة جدا لدرجة امة لم ترد الاتصال بخالة قائلة "كلها ساعة ولا اتنين ويسمع ان الواد مات"
وبعدها امة وقفت امام صورة البابا كيرلس وصورة مارمينا حبيبة
وتشفعت بة وقالتلة باكية "انا سبتلك الاودة خالص ان كنت هتدخل علشان تاخدة اوعى تدخل وحياة حبيبك مارمينا اوعى تدخل وان كنت هتشفية
رحلة وانا سبت الاودة خالص اوعى علشان مارمينا حبيبك"
وبعد ساعة وهى فى المطبخ بتجهزلة شربة فرخة علشان تسقيها لة بالسرنجة
وبردو واقفة بتنادى البابا كيرلس
وفجاة ......................
يجى بيتر من ورا امة ويمسكها من القميص ويقولها يا ماما انا خلاص رقت انا جعان
امة قالت "اسم الصليب اسم الصليب اسم الصليب"من بيموت لجاى ماشى وكمان جعان
اية يا بيتر يا ماما مالك؟؟؟؟!!!!
رد قائلا( معلش الكلام الى هكتبة مش غلطات املائية ولكنة على فم بيتر الذى يبلغ فقط سنتان فكلامة مكسر)
رد قائلا "بابا ببس دال دوم بيتر"
واحنا مش فاهمينلة كلمة واحدة
وفجاة التليفون رن وكانت خالتة بتسال مات ولا لسة
سمعت امة بتتكلم مع بيتر فبتقول مين معاكى قالتلها بيتر
ردت خالتة اسم الصليب بيتر بيتكلم طيب اديهونى اكلمة
وكلم خالتة وهى الى فهمت انو بيقول البابا كيرلس قالة قوم يا بيتر ومسك ايدة وقومة من على السرير
وجبناة فى الصالة حيث الصورة التى بكت امامها امة والبابا كيرلس باللبس الاسود
فسالنا بيتر هو دة الى جالك قال لا !!!!!!!!!
طبعا كلنا استغربنا!!!!!!!!!!
وفى صورة تانى وهو فى الدير قال لا!!!!!!!!
وبردو وهو معاة الانجيل والصليب قال لا!!!!!!!!!!!!!!
وفى النهاية ورناة صورة البابا الى فى صدرة التى وضعناها يوم الاتنين وكان نائم بها وفى الصورة البابا
بلباسة النبيتى الذى يلبسة ليلة عيد الميلاد
قال ايوة هو دة" دالى دوم بيتر"
وبعدها اكل وشرب وبقى كويس خالص ومفيهوش اى حاجة وعمل حمام مية كتير خالص
والحمد للة من يومها وهو كويس خالص
وسالناة هو انت كنت بتحلم واتضح ان البابا كيرلس جالة على السرير وقالة قوم يا بيتر ومسك ايدة والكلام دة وهو صاحى مش نايم
ونشكر ربنا والبابا كيرلس وحبيبة مارمينا والعدرا
والان عمرة تمن سنوات ونص
ومعلش احنا اتاخرنا فى كتابة المعجزة دى وربنا يسامحنا لاننا كنا عايزين نكتبها فى اى كتاب معجزات مقدرناش بسبب الظروف


بركة صلوات شفيعنا البابا كيرلس تكون معنا جميعا
واذكروني في صلواتكم

فعلا معجزة رائعة وفعلا عظيمة هي شفاعة القديسين وعظيمة هي شفاعة البابا كيرلس وكلنا بنقول الف مبروك لبيتر على الشفاء
وشكرا ليك يا ابانوب انا كتبتنا المعجزة الجميلة دي
وبصراحة الكلمات تعجز عن وصف قوة المعجزة
وبركة صلوات البابا كيرلس تكون معانا

عفوا يابيشو
وهحاول احط معجزات تانى
وشكرا على ردك الجميل دة

فعلا لازم ربنا يكون ليه سحابه من الشهود
دى فعلا معجزه عظيمه لقديس عظيم

معجزة جميلة

شكرا على ردكم للمعجزةبتاعتي

فعلا معجزة رائعة وفعلا عظيمة