الدرس الثانى من لعبة f22

سلام ونعمة.............
دا الدرس التانى من اللعبة ودا هحاول اشرح حاجات كتير فية علشان محدش يزعل منى بس بردو انا زعلان لان مفيش ردود
يلا نبدا باسم الصليب
بعد منخش اللعبة فى اى مهمة هنكون احنا فى المطار وهندوس على زر الباك سباس وبالعربى الاستيكة ودى الى بنمسح بيها الكلام
ودى بتوصل طاقة الطيارة لحد 200%
على فكرة فى حاجة لازم اقولهالكم الاول الزر الى جنب الاستيكة دة ملكمش دعوة بية الى هو السلاش لاكن الى جنبة الى هو الذائد دا مهم
ودا بيعلى السرعة يدوى (طيب وهو فى اوتوماتيكى)ايوة فى ودا الى هقولة والناقص الى جنبة بردو يدوى بس دى بتنقص السرعة
نيجى بقى للاوتوماتيكى الزرار صفر الى بعد الناقص دا بيحول طاقة الطيارة لغاية 100%
والزر تسعة الى جنبة بردو بيحول الطاقة لغاية 90%
والزر تمنية بيحول الطاقة لغاية 80%
لاكن الزر سبعة بيحول الطاقة لغاية 35%
اما بقى الزر ستة بلاش حد يدوس علية دلوقتى لانة بيوقف الطيارة وهى فى الجو (طيب افرض حد غلط وداس علية) يلحق نفسة ويدوس على زر السرعة الى كان ماشى بيها او اى سرعة يعنى لو عايز تمشى بسرعة 90% يبقى تدوس على 9 ولو عايز توصل السرعة لعاية 200%يبقى تدوس استيكة واى سرعة انا شرحتلكم ازاى توصلها طيب افرض انت عايز تمشى بسرعة 60 مثلا يبقى تشتغل يدوى لغايو سرعة 60
طيب ادينا فى المطار ودسنا على الاستيكة الطيارة هتطلع بالراحة وبعدين هتمشى باقصى سرعتها بس وهى بتنطلق محدش يدوس لايمين ولا شمال
لغاية متوصل الطاقة 150% تقريبا طيب وانا هعرف السرعة ازاى بتبقة مكتوبة على شمالك تحت الشاشة
اول متوصل لغاية 150 دوس زرار تحت يبقى هتطلع فوق ولو دست فوق الطيارة هتنزل تحت( بس محدش يستخف فى دمة ويدوس فوق وانت على المطار ويقول هنزل فين)
المهم بعد متوصل السرعة لغاية مية وخمسين على الاقل دوس تحت هتلاقى الطيارة بقى وشها لفوق وبمجرد متوصل السرعة لغاية 200% هتطير الطيارة
بس اهم حاجة مهمة جدا جدا انك اول ما الطيارة تطلع تدوس زرار gطيب لية انا هقولكم لية الزر دة بيشيل ويركب عجلات الطيارة
طبعا مادام انت كنت على المطار يبقى العجلات كانت طالعة فلما تدوس تانى هتتشال
طيب افرض مدستش اولا مش هتشوف اى اعداء لان الرادار هيبقى مش نشيط لانك دلوقتى طيارة مدنية ثانيا مش هتعرف تدافع عن نفسك وهتبقى العجلات هدف تدمير سهل لان لو العجلات اتدمرت مش هتعرف تنزل مطار تعبى بنزين او تركب اسلحة
طيب اديك طلعت ودوست على gوبعدين
قبل منشتغل فى الجد لازم نبقى عارفين ان الازرار من واحد لخمسة دول اسلحة ودول الى اخترناهم فى الدرس الاول فاكرين حاجة
والاول دة يشيل انظمة الاسلحة والتانى رشاش ولو دست علية مرة تانى هيديك رشاش تانى من نوع تانى
والزر تلاتة دا بيديك السلاح المفضل ليا ودة الى هو ارمارم سى ودا الى علية كل الشغل ولو دست على تلاتة تانى هتلاقى السلاح التانى الى هو
الصواريخ بتاعت الستة ميل
طيب واربعة انا مش مخلى علية حاجة لان صواريخ اربعة هى نفسها تلاتة الى هى ارمارم سى لان احنا مختارينها زى بعض
طيب وخمسة دا بتاع تدمير الاهداف الارضية الى هو زى جى بى يو __ اوالطوربيد بلو
طيب كدا عرفنا من واحد لغاية زر الاستيكة وبعدين
لازم كمان تعرف الافات وانا هقول المهمين فقط انت اول مبتبقى على المطار بتبقى على اف تلاتة ودا وضع الطلوع والنزول من المطارات
اف اتنين دا هيبقى علية معظم الشغل لان دا انت جوة الطيارة ودة الى هندوسة اول منطلع وبعدية هندوس زر تلاتة3 بس مش اف تلاتة
طيب وبعدين اكيد لما هندوس اف اتنين هتلاقى خريطة على شمالك من فوق الى هو الرادار المثلثات الحمرا دى اعداء والدواير الحمرا الكبيرة
اهداف ارضية والمثلثات الخضرا دول اصحابك
طيب فى هدف احمر بعيد هتلاقى علية دايرة بيضا ودا معناة انك منشن علية وهيبقى قدامك على الشاشة بصورة مثلث غير نشط فى اغلب الاحيان اسود
بس لسة اوعى تضرب
لما تقرب القرب المناسب منة والى هو قلنا 26 ميل يبقى دى فرصتك
طيب وانا اعرف منين
بكل بساطة اول ميبقى فى مرماك هتلاقىالمثلث دة بقى لونة احمر وهتلاقى كلمة مكتوب عليها SHOOT
يعنى اضرب دا غير صوت زنة دا يبقى اضرب( طيب انا ضربت ولسة الهدف احمر والزنة شغالة اضرب تانى) لا متضربش
لان دا طبيعى مادام العدو قدامك طيب اعرف منين اذا جا الصاروخ فية ولا لا
بكل بساطة دوس اف سبعة ودا هيوريك الصاروخ بس وهو سريع دوس تانى اف سبعة هتمشى مع الصاروخ خطوة بخطوة
ودا غير انو هيبان على الرادار بس محدش يخلى الطيارة فى خطر ويروح يبص على الصاروخ
يعنى مثلا ميبقاش قدامك جبل وروح تبص على الصاروخ طبعا هتخش فى الجبل زى العسل
ولو جا الصاروخ فى الهدف هيتمسح المثلث بتاعة وهيتكتب اسم الطيارة الى اضربت تحت الشاشة(( ونكمل فى دروس تانية))
وكدا كفاية قوى وانا جبت اكبر قدر من المعلومات ومحدش يزعل عاد انا بجد تعبت
واذكرونى فى صلاواتكم

درس رااائع وجميل وانا هجرب وكده احنا خدنا كل المعلومات الكافية وشكرا جزيلا ليك على تعبك

شكرا جزيلا يا جماعة على الردرد الجميلة دى والحمد للة واحد بس الى رد
بصراحة منتدى يشجع فعلا
وعلى فكرة لسة فى دروس تانى كتير متفتكروش ان دة كدة خلاص دا لسة فى الطيار الالى
وحاجات تانى كتير جدا فياريت حتى كلمة تشجيع مش هتخسروا حاجة
وشكرا.........